Paul Scholes:Manchester United haifai

Image captionWachezaji wa Manchester United

Manchester United ilikuwa haifai na haikuwa na mpangilio wowote ilipofungwa 2-0 na Liverpool kulingana na Paul Scholes ambaye alikuwa kiungo wa kati wa timu hiyo Paul Scholes.

Daniel Sturridge na Firmino walifunga bao kila mmoja na kudidimiza matumaini ya Manchester United huku David De gea akizuia mashambulio mengi ya Liverpool.

Scholes ambaye aliichezea Manchester United mara 718 aliambia BT Sport kwamba kilabu hiyo ya Old Trafford huwa na viwango fulani lakini kufikia sasa imefeli kuafikia viwango hivyo.

Aliongezea:Liverpool ilikuwa na mpango wa kucheza,Lakini United hawakuwa na mpango wowote.

Image copyrightReuters

Image captionMkufunzi wa Liverpool Jurgen Klopp

Awamu ya pili ya mechi ya marudiano itachezwa katika uwanja wa Old Trafford Alhamisi ijayo.

''Manchester United inafaa kuwania ligi ya Uingereza na kombe la vilabu bingwa'',alisema Scholes.

Wametumia pauni milioni 300 na bado wako katika nafasi ya sita katika jedwali la ligi.

Image copyrightPA

Image captionPaul Scholes

Wameshushwa hadi katika ligi ya Europa baada ya kushindwa katika kombe la vilabu bingwa.

Wanafaa kushindana na Barcelona,Real Madrid na Bayern.