Vikosi maalum vya kupambana na magaidi vinakaribia Fallujah

Vikosi maalum vya jeshi la Iraq vya kupambana na magaidi vimeanza hatua ya kuingia mjini Fallujah, na vinatarajia kupata upinzani mkubwa kuwahi kutokea katika kampeni ya kulikomboa eneo hilo kutoka kwa kundi la IS.

Magari yenye silaha ya jeshi la Iraq yakielekea Fallujah

Mji huo ulioko kilometa 40 magharibi ya Baghdad umekuwa chini ya udhibiti wa wanamgambo kwa muda mrefu kuliko sehemu yoyote ya Iraq, na wapiganaji wa IS wamekuwa na zaidi ya miaka miwili kujiimarisha katika eneo hilo.

Njia kadhaa za chini ya ardhi kama zile zinazopatikana katika maeneo mengine yanayoshikiliwa na IS tayari zimekwisha gunduliwa katika kitongoji chake cha kaskazini mashariki.

Wapiganaji wanaounga mkono serikali wakishangiria kukombolewa kijiji cha al-Sejar karibu na Fallujah

Vikosi vya jeshi la Iraq, ambavyo pia vinajulikana kama vikosi vya kupambana na ugaidi, vinaongoza mashambulizi hayo dhidi ya mji wa Fallujah, taratibu vikisogea kutoka eneo la kusini katika msafara wa magari yenye silaha.

Hatua ya kusonga mbele inatarajiwa kuwa ya taratibu kwasababu mamia kwa maelfu ya raia wameendelea kukwama katika mji wa Fallujah na mabomu yaliyofichwa yanaaminika kuachwa katika sehemu mbali mbali za mji huo, kwa mujibu wa makamanda wa vikosi hivyo maalum katika eneo hilo.

Upinzani mkubwa

Wanatarajia upinzani mkubwa kutoka kwa wapiganaji hao wa Jihadi , ambao hawana sehemu ya kukimbilia.

Maroketi ya jeshi la serikali yakirushwa kuelekea Fallujah

"Hii ni vita muhimu kwetu na kwa Daesh," amesema jenerali Saad Harbiya kiongozi wa operesheni ya Fallujah katika jeshi la Iraq, akitumia neno la Kiarabu lenye maana ya kundi la Dola la Kiislamu.

Imam wa mji wa Fallujah Baahjet Ibrahim amesema watu wanateseka kutokana na vita hivyo.

"Kwasababu ya vita mjini Fallujah familia zetu na watu wetu wanaathirika. Wako kati ya nyundo ya jeshi na wanamgambo na jiwe la Daesh. Wale walioko ndani hawawezi kukimbia na wale walioko nje hawawezi kusaidia. Nina maana , hakuna chakula kabisa."

Wanajeshi wakielekea katika mapambano na wapiganaji wa IS

Gunia la ugna linapatikana kwa dola 854 na zaidi. Na huwezi hata kulipata. Ndugu zangu ambao bado wapo katika mji huo wanalipa hadi dola 683 kwa kilo 20 za mchele na kilo 20 za unga.

Mashambulizi hayo , yakisaidiwa na mashambulizi ya anga ya muungano unaoongozwa na Marekani, yalianza wiki moja iliyopita.

Makamanda wa jeshi la serikali wakipanga mbinu za kupambana na wanamgambo wa IS

Mji huo ambao unaishi wasunni wengi katika jimbo la Anbar ni moja kati ya ngome ya mwisho kuu ya kundi la IS nchini Iraq. Kundi hilo la itikadi kali bado linadhibiti maeneo upande wa kaskazini na magharibi, pamoja na mji wa pili kwa ukubwa wa Mosul.

Mwandishi: Sekione Kitojo / ape

Mhariri: Hamidou Oummilkheir

Tangazo la ubaguzi wa rangi China lazua utata

Image captionTangazo China

Kampuni moja huko China imeomba msamaha kwa tangazo la sabuni ambalo limezua utata kwa madai ya ubaguzi wa rangi.

Kampuni hiyo ya Qiaobi , imesema imepinga na kushtumu ubaguzi wa rangi na kuomba radhi kwa tangazo hilo ambalo limezua utata.

Katika tangazo hilo,linamuonyesha mwanamume mweusi akiingiza kichwa chake kwenye mashine ya kufua na baadaye kujitoa akiwa na ngozi nyeupe ya raia wa ki-asia.

Image copyrightQIAOBI

Image captionTangazo China

Katika taarifa yao ya kuomba msamaha ,kampuni hiyo ya vipodozi ya Shanghai Leishang, imelaumu vyombo vya habari vya kimataifa kwa kulishtumu tangazo hilo.

Tangazo hilo lilitolewa mara ya kwanza mwezi Machi na kusimamishwa wiki hii kufuatia shinikizo kali.

Katika taarifa hiyo waliwaomba radhi Wafriaka wote na kusema ni matumaini yao kwamba watu na vyombo vya habari hawatazingatia tangazo hilo.

Image copyrightQIAOBI

Image captionTangazo China

Kampuni hiyo imesema imevifuta viunganishi vyote vya tangazo hilo na kuwataka watu kusitisha usambazaji wake kwenye mitandao.

Tangazo la ubaguzi wa rangi China lazua utata

Image captionTangazo China

Kampuni moja huko China imeomba msamaha kwa tangazo la sabuni ambalo limezua utata kwa madai ya ubaguzi wa rangi.

Kampuni hiyo ya Qiaobi , imesema imepinga na kushtumu ubaguzi wa rangi na kuomba radhi kwa tangazo hilo ambalo limezua utata.

Katika tangazo hilo,linamuonyesha mwanamume mweusi akiingiza kichwa chake kwenye mashine ya kufua na baadaye kujitoa akiwa na ngozi nyeupe ya raia wa ki-asia.

Image copyrightQIAOBI

Image captionTangazo China

Katika taarifa yao ya kuomba msamaha ,kampuni hiyo ya vipodozi ya Shanghai Leishang, imelaumu vyombo vya habari vya kimataifa kwa kulishtumu tangazo hilo.

Tangazo hilo lilitolewa mara ya kwanza mwezi Machi na kusimamishwa wiki hii kufuatia shinikizo kali.

Katika taarifa hiyo waliwaomba radhi Wafriaka wote na kusema ni matumaini yao kwamba watu na vyombo vya habari hawatazingatia tangazo hilo.

Image copyrightQIAOBI

Image captionTangazo China

Kampuni hiyo imesema imevifuta viunganishi vyote vya tangazo hilo na kuwataka watu kusitisha usambazaji wake kwenye mitandao.

Sudan yawafukuza raia 442 wa Eritrea

Image copyrightAFP

Image captionOmar el Bashir

Serikali ya Sudan imewafurusha takriban raia 442 wa Eritrea ikiwemo wakimbizi sita waliosajiliwa kurudi nchini mwao mwezi huu kulingana na kundi moja la haki za kibinaadamu la Human Rights Watch.

''Sudan inawakamata na kuwalazimisha raia wa Eritrea kurudi katika serikali yao ilio na ukandamizaji bila kuwaruhusu wakimbizi kutafuta mahala pa kujilinda,alisema Gerry Simpson'',mkimbizi mwandamizi anayehusika na maswala ya utafiti katika HRW.

Sudan inafaa kufanya kazi na shirika la umoja wa mataifa kuhusu Ukimbizi ili kuwalinda,badala ya kuwarudisha nyumbani ili wakumbane na unyanyasaji,aliongezea.

Sudan haijatoa tamko lolote kuhusu madai hayo.

Wafanyakazi wataka Waziri aondolewe

Image copyrightAP

Image captionWaziri Fabiano Silveira anayetuhumiwa kwa Rushwa

Wafanyakazi katika wizara inayopambana na rushwa nchini Brazil wameshindikiza kuondolewa kwa waziri wake mpya.

Maandamano hayo yanafuatiwa kutolewa kwa video ambayo Fabiano Silveira anatuhumiwa kusikika akikosoa uchunguzi wa rushwa katika kampuni ya mafuta ya serikali,Petrobras.Juma lililopita waziri wa mipango wa nchi hiyo alilazimishwa kuachia madaraka baada ya kukumbwa na shutuma kama hizo.Viongozi wote hao wawili walichaguliwa baada ya Rais Dilma Rousseff alipoondolewa madarakani.Amekuwa akisisitiza kwa muda mrefu kuwa mashitaka yaliyoundwa dhidi yake ni kwa ajili tu ya kuzuia upelelezi.

Mshirikishe mwenzako Unavyoweza ku

Picha,Rapa Wale kawatetea dada zetu wanaovaa jeans za mtindo huu.

Rapa Wale wa lebel ya MMG amewapa shavu mabinti wanaovaa jeans zilizochanwa nyuma na kuonyesha sehemu flani ya makalio yao.

Kupitia twitter yake Wale alisema “Utakuwa kahaba kama utaruka kutoka kwa mwanaume/mwanake huyu na mwingine tena ila sio kuvaa hivi,hapa hakuna tatizo“.

mavijana12

Nick Cannon kaweka dola laki moja mezani kwa anayeweza kushindana naye kuchana.

Rapa,Mwigizaji na mtangazaji Nick Cannon ameweka dola laki moja mezani kwa rapa yoyote nchini Marekani anayeweza kushindana naye kuchana wafanye RAP BATTLE.

Kupitia twitter Nick Cannon amesema ana dola $100,000 kwa rapa atakaye mshinda ataipata, ila pia huyu rapa aweke chini dola laki moja,akishindwa anaipoteza.

Shindano litafanyika kwenye tuzo za 2016 BET Awards  mjini Los Angeles  mnamo  June 25.

Battle rap iliwahi kufanyika kwenye tuzo za BET kati ya Snoop Dogg na Murda Mook kupitia “Gladiator School” na ilikuwa BET Hip Hop Awards  mjini Atlanta mwaka 2014

CONFIRMED: Cristiano Ronaldo hatocheza mchezo dhidi ya England June 2 2016

Kocha wa timu ya taifa ya Ureno Fernando Santos  leo Jumatatu ya May 30 2016, amenukuliwa na vyombo vya habari hususani dailymail akithibitisha kuwa katika mchezo wa kirafiki kati ya timu yake dhidi ya timu ya Uingereza utakaochezwa June 2 2016 katika uwanja wa Wembley Cristiano Ronaldo na Pepe hawatocheza.

Fernando Santos amesema hayo kutokana na nyota hao kuwa na uchovu, kwani toka wamalize mchezo wa fainali ya Klabu Bingwa Ulaya kati ya klabu yao ya Real Madriddhidi ya Atletico Madrid uliochezwa May 28 2016 Milan Italia, hawajapata muda wa kupumzika hivyo wanahitaji wiki moja ya kupumzika.

Ronaldo na Pepe

“Siwapumzishi kwa sababu ya kukwepa majeruhi ila ni kwa ajili ya kuwaweka fiti tu, nafikiri Cristiano Ronaldo atajiunga na timu Jumamosi akiwa na hali ya kujiamini, ni mchezaji bora wa dunia na yeye ni muhimu kwa timu”

Man United wamefanya maamuzi mapya kuhusu hatma ya Marcus Rashford

Klabu ya Manchester United ya Uingereza leo May 30 2016 imetangaza maamuzi mapya ambayo yatawapa furaha mashabiki wa klabu hiyo, Man United leo May 30 imetangaza kumpa mkataba wa miaka minne kinda aliyekuja kwa kasi Marcus Rashford.

Man United wamempa mkataba huo wa miaka minne utakamuoweka staa huyo Old Trafford hadi June 2020, Rashford mara ya kwanza kucheza mechi na kikosi cha kwanza cha Man United alifunga magoli mawili katika mchezo dhidi ya Midtjyllandmwezi February.

Kutoka kushoto ni Marcus Rashford na Cameron Borthwick-Jackson waliposaini mikataba yao

Kinda huyo wa Man United amefanikiwa kumaliza msimu wa 2015/2016 akiifungia Man United jumla ya magoli 8 katika mechi 18 alizoichezea klabu hiyo msimu huu, Rashfordkwa sasa ana umri wa miaka 18 na alianza kuichezea timu ya vijana ya Man United toka mwaka 2005, kinda huyo pia ameitwa katika kikosi cha England cha wachezaji 26 watakaoshiriki michuano ya Euro 2016.

UEFA wametangaza majina 18 ya wachezaji wanaounda kikosi bora cha mwaka 2016, England hakuna hata mmoja

Ni siku mbili zimepita toka tushuhudia ile fainali ya michuano ya klabu Bingwa Ulaya kwa mwaka 2016, fainali ambayo ilichezwa katika uwanja wa San Siro Milan Italia, hiyo ilikuwa fainali inayozihusisha timu kutoka nchi na jiji moja Hispania Atletico Madrid dhidi ya Real Madrid.

Leo May 30 2016 shirikisho la soka barani Ulaya limetangaza majina ya wachezaji 18 kutoka timu mbalimbali barani Ulaya na kuwataja kama ndio wachezaji waliofanikiwa kuunda kikosi bora cha msimu wa 2015/2016 kwa UEFA, list ya wachezaji hao waliotajwa hakuna hata jina la mchezaji yoyote kutoka Ligi Kuu Uingereza.

Ni vilabu vitano tu ndio vimefanikiwa wachezaji wake kutajwa katika list ya wachezaji 18 wa UEFA kwa msimu wa 2015/2016, Atletico Madrid na Real Madrid zimetoa wachezaji sita sita, wakati FC Barcelona imetoa wachezaji watatu, FC Bayern Munich imetoa wachezaji wawili na Paris Saint Germain imetoa mchezaji mmoja.

ALL GOALS: Fainali ya FA CUP May 

Mbaroni Kwa Kukutwa Wakitoa Mamilioni Kwa ATM Za Watu 19

Jeshi la Polisi Mkoa wa Katavi linawashikilia watu watatu kwa tuhuma za kukamatwa wakiwa wanatoa fedha benki ya NMB tawi la Mpanda kiasi cha shilingi 3,680,000 wakiwa na kadi za ATM 19 mali za watu tofauti pamoja na namba za siri za kadi hizo. .

Kaimu Kamanda wa Polisi wa mkoa wa Katavi Damasi Nyanda amesema watuhumiwa hao watatu walikamatwa jana majira ya saa tatu usiku katika Tawi la NMB Mpanda .

Watuhumiwa hao ambao majina yao yamehifadhiwa kwa kuwa upelelezi bado unaendelea, wamekamatwa na askari wa jeshi la polisi waliokuwa wakilinda Benki hiyo.

Nyanda ameeleza kuwa watumiwa walikamatwa baada ya askari polisi kuwatilia mashaka kutokana na kuwaona wakiwa wamekaa muda mrefu kwenye chumba cha mashine ya kutolea fedha .

Amesema baada ya kuwatilia mashaka polisi waliingia ndani ya chumba hicho na kuwakuta watuhumiwa hao wakiwa wanaendelea kutoa fedha katika mashine tatu zilizomo kwenye mashine za kutolea fedha.

Kaimu Kamanda alieleza ndipo askari polisi walipoamua kuwapekua watuhumiwa na waliwakuta wakiwa na kadi za ATM 19 mali za watu tofauti pamoja na namba za siri za kadi h izo na walikuwa tayari wameishatoa kiasi cha fedha taslimu shilingi 3,680,000.

Amezitaja Namba za Kadi za ATM walizokamatwa nazo watuhumiwa kuwa ni AC 61908000058,AC 61902403196,AC61902400417,AC61908000427,AC 61902240100,AC 61908000237, AC 61902400518 AC 61910000645, AC 61910004240,AC 61908000609 AC 61902403168.

Kaimu kamanda Nyanda amezitaja kadi za ATM zingine zilizokamatwa kuwa ni zenye namba AC 61910000537,AC 61902402653, AC 61910000250, Ac 61902400818, AC 61908000449,AC1902403219 AC 61910002329 na AC 70408100131.

Amesema watuhumiwa wanatarajia kufikishwa mahakamani baada ya uchunguzi wa tukio hilo kukamilika na bado watuhumiwa wote watatu wanaendelea kushikiliwa na jeshi la polisi kwa mahojiano zaidi .

Kaimu kamanda ametoa wito kwa wananchi kuacha tabia ya kutoa siri kwa watu za namba zao za siri za kadi wanazozitumia kwenye  ATM za  benki .

Mkuu wa Mkoa Afumaniwa Akifanya Mapenzi na Mwanae

Mkuu wa zamani wa Mkoa wa Kaskazini Pemba na mshauri wa Rais wa Zanzibar kisiwani humo, Dadi Faki Dadi amekamatwa akituhumiwa kufanya mapenzi na mtoto wake wa kambo.

Dadi alikamatwa juzi akidaiwa kukutwa na mtoto huyo wa mkewe wa ndoa mwenye umri wa miaka 21 katika nyumba ya kulala wageni inayoitwa Executive, jirani na makao makuu ya Uhamiaji Zanzibar katika eneo la Kilimani chini na Maisara, mjini Unguja.

Mwanasiasa huyo alijikuta akipigwa pingu na polisi akiwa kifua wazi mbele ya mkewe na wanafamilia na kisha kupelekwa katika Kituo Kikuu cha Polisi Mwembemadema.

Picha za video zilizosambazwa kwenye mitandao ya kijamii, zilimwonyesha Dadi akikabiliwa na mashambulizi makali ya maneno kutoka kwa watu waliomkamata, akiwamo mkewe.

“Mwacheni avae nguo kwanza, mpeleke bwana, twende bwana..." ni baadhi ya maneno yanayosikika katika video iliyorekodiwa wakati wa kumtia mbaroni.

Taarifa zilizopatikana miongoni mwa wanafamilia ya kiongozi huyo, zilidai kwamba alikamatwa baada ya kumtilia shaka binti huyo kutokana na mienendo yake ya hivi karibuni na kuamua kumfuatilia.

Kamanda wa Polisi Mkoa wa Mjini Magharibi, Mkadam Khamis Mkadam alithibitisha kumshikilia Dadi kwa muda kabla ya kumwachia kwa dhamana.

“Kijamii alitenda kosa, lakini sisi tunaendelea kufanya uchunguzi, iwapo tutabaini ametenda kosa la kisheria na anaweza kuwa mashtaka tutamkamata ili kumpeleka katika vyombo vya sheria,” alisema Mkadam.

Mmoja wa wanafamilia ambaye aliomba jina lake lisitajwe alisema:“Mwizi siku zake ni arobaini, tulimtega na hatimaye tumemnasa sasa tuone mwisho wake utakuwa nini na kipi kitajiri baadaye.”

Wafanyakazi waitisha maandamano mapya Ufaransa

Wafanyakazi katika vituo vya mitambo ya nguvu za Nyuklia nchini Ufaransa wanatarajiwa kujiunga na mgomo unaoendelea kuongezeka katika maeneo mbalimbali ya nchi hiyo ya kupinga mageuzi katika soko la ajira.

Wafanyakazi katika vituo vya mitambo ya nguvu za Nyuklia nchini Ufaransa wanatarajiwa kujiunga na mgomo unaoendelea kuongezeka katika maeneo mbalimbali ya nchi hiyo ya kupinga mageuzi katika soko la ajira. Hadi kufikia alhamisi mgomo huo umeonekana kuleta athari katika usambazaji wa mafuta na uzalishaji wa umeme.

Zikiwa zimebaki wiki mbili kabla ya taifa hilo kuwa mwenyeji wa mashindano ya klabu bingwa barani Ulaya kwa mwaka 2016, nchi hiyo imejikuta katika mfululizo wa maandamano katika sekta ya usafiri na mafuta, ambao umeongeza shinikizo kwa serikali.

Vyama vya wafanyakazi vimeitisha maandamano mapya siku ya alhamisi katika miji kadhaa ya Ufaransa, machafuko hayo ya kijamii yaliyoanza miezi mitatu iliyopita yamegeuka sasa kuwa vurugu.

Waziri mkuu Manuel Valls hapo awali alisema kuwa sheria hizo za kazi zisingetolewa ila kuna uwezekano zingefanyiwa"mabadiliko"au"kuboreshwa."

Siku ya jumatano, Waziri mkuu huyo aliukemea Muungano wa wafanyakazi wa CGT ambao ndio unaoratibu maandamano hayo, akisisitiza kwamba wao "hawatungi sheria za nchi."

Katika maoni yake siku ya alhamisi , amesema muungano huo wa wafanyakazi "ulikosa uwajibikaji" na kusema tena kwamba hawawezi kulazimisha "kubadili sheria."

Waandamanaji wakipambana na polisi mjini Paris

Kumeonekana kuwepo misururu mirefu ya watu katika vituo vya kuweka mafuta, wakati maeneo mengine yakianza kuwa na mgao wa mafuta baada ya pampu kuishiwa .

Wakati huo ambapo karibu robo tatu ya vituo vya mafuta vikiishiwa nishati hiyo au kusambaza kwa kiwango cha chini, hali ya hatari imegeukia vituo vya nguvu za Nyuklia ambavyo vinasambaza karibu theluthi tatu ya umeme nchini Ufaransa.

Kwa mujibu wa muungano wa CGT , Vituo 3 kati ya 19 vya Nyuklia vingeweka zana chini kwa maana ya uzalishaji , lakini walisema kwamba kusingeathiri upatikanaji wa umeme kwa haraka.

Mtambo wa Nogent-sur-Seine ulioko kilometa 100 kusini mashariki mwa Paris umepunguza uzalishaji wake hadi asilimia 25.

Serikali imekuwa katika shinikizo la kuangalia mikakati yake katika kipindi cha miezi minne sasa rais Francois Hollande ameahidi kuwa atafanya kila awezalo, kuhakikisha "raia wa Ufaransa na uchumi unakuwa salama."

Mtambo mmoja kati ya 8 wa kusafishia mafuta umerejea katika uzalishaji siku ya jumatano , mitambo mingine mitano bado imesimamisha au imepunguza uzalishaji.

Madereva wa magari wameonekana katika mitandao wakitafuta vituo vya mafuta ambavyo bado vina nishati hiyo.

Sera ya mageuzi

Sera ya mageuzi ya soko la ajira imetengenezwa katika namna ambayo itakuwa rahisi kwa makampuni kuajiri na kufuta wafanyakazi, ambapo makampuni kadhaa ikiwemo shirika la fedha duniani IMF linasema ni muhimu katika kuinua uchumi ulio taabani.

Hata hivyo mageuzi hayo yanapingwa na vyama vya wafanyakazi wakitaka yaondolewe kabisa kwa kuwa yanaweza kuongeza uhaba wa ajira.

Serikali ilipitisha muswada huo bungeni mwezi uliopita pasipo kupigiwa kura , hali iliyoamsha ari ya maandamano zaidi.

Mapigano yaendelea Syria

Wapiganaji wa kiarabu na Kikurdi wakisaidiwa na wanajeshi wa Marekani wamekabiliana na kundi la Dola la Kiislamu katika ngome yao mjini Raqa nchini Syria huku vikosi vya Iraq vikikaribia kuukomboa mji wa Fallujah, Iraq.

Vikosi maalumu vya jeshi la Marekani na muungano wa Wakurdi na Waarabu Raqa

Operesheni hizo mbili dhidi ya Dola la Kiislamu zimeelezwa kuwa muhimu katika kuwavunja nguvu wanamgambo wa kundi hilo tangu lilipotangaza utawala wa kiislamu nchini Iraq na Syria mwaka 2014. Karibu na uwanja wa mapambano kaskazini mwa mji wa Raqa, mpigaji picha wa shirika la habari la AFP aliwaona wanajeshi wa Marekani wakiusaidia muungano wa Wakurdi na Waarabu unaojulikana kama Syrian Democratic Forces, SDF.

Muungano huo unapita katika vijiji na maeneo ya mashamba kusini mwa mji wa Ain Issa, kilometa 60 hivi kutoka Raqqa na umevikomboa vijiji vitano na mashamba manne.

Shirika linalofuatilia masuala ya haki za binadamu nchini Syria limesema leo kwamba muungano unaoongozwa na Marekani umefanya mashambulizi yasiyopungua 150 dhidi ya wapiganaji wa Dola la Kiislamu katika miji ya Tal Abyad na Ain Issa tangu operesheni ilipoanza Jumanne wiki hii. Shirika hilo pia limesema wapiganaji wapatao 31 wa dola la kiislamu wameuliwa katika makabiliano kaskazini mwa mkoa wa Raqa.

Hakuna terehe ya kufanyika mazungumzo

Huku haya yakiarifiwa, mjumbe maalumu wa Umoja wa Mataifa kwa ajili ya mzozo wa Syria Staffan de Mistura alisema mazungumzo kuhusu mzozo huo hayatafanyika katika wiki zijazo. De Mistura amelifahamisha baraza la usalama la Umoja wa Mataifa kuhusu azma yake ya kuanza duru nyingine ya mazungumzo haraka iwezekanavyo, lakini si katika wiki mbili au tatu zijazo.

Mjumbe huyo alielezea kuvunjwa moyo na ugumu uliopo katika kutoa huduma za kibinadamu Syria, hatari kubwa inayoukabili mkataba wa kusitisha uhasama, na haja ya kuhakikisha mazungumzo ya kisiasa yanapiga hatua.

Staffan de Mistura, Mjumbe maalumu wa mzozo wa Syria

De Mistura ataendelea kuwasiliana na pande zinazohasimiana pamoja na kushauriana na kundi la kimataifa linalosaidia juhudi za kuutafutia ufumbuzi mgogoro wa Syria, mpaka atakapokuwa katika nafasi ya kuamua juu ya wakati muafaka wa kuanza mazungumzo.

Balozi wa Marekani katika Umoja wa Mataifa, Samantha Power, alisema Marekani ina wasiwasi kuhusu hali ya kukata tamaa nchini Syria. Power alidokeza kwamba machafuko yameongezeka katika mwezi uliopita na ni dhahiri kitisho kwa makubaliano ya kusitisha mapigano kinasababishwa na utawala wa Syria na washirika wake, na mashambulizi dhidi ya raia.

"Urusi ina jukumu maalumu kuushinikiza utawala wa Syria kuheshimu makubaliano ya kusitisha mapigano na kukomesha mashambulizi ya mabomu na kuwazingira raia wa Syria wasio na hatia," aliongeza Power.

Kaburi la pamoja lagunduliwa

Wakati huo huo, shirika la haki za binadamu la Syria limesema kaburi la pamoja lenye maiti kiasi 65 za watu waliouliwa na wanamgambo wa dola la kiislamu limegunduliwa na vikosi vya serikali karibu na uwanja wa ndege wa jeshi katika mji mkongwe wa Palmyra.

Shirika hilo limesema maiti hizo ni za wanachama wa vikosi vya serikali na nchi washirika walioonyongwa baada ya kundi la Dola la Kiislamu kuuteka na kuudhibiti mji wa Palmyra Mei 2015. Serikali ya Syria mjini Damascus haijathibitisha taarifa hizo.

Nyota wa filamu ya Pink Panther afariki

Image captionBurt Kwuok

Burt Kwouk ambaye alijulikana sana kwa kuigiza kama Inspekta Clouseas manservant Cato katika filamu za Pink Panther amefariki akiwa na umri wa miaka 85.

Alishiriki katika filamu kadhaa za Pink Panther mkabala na Peter Sellers kama mfanyikazi wa Clouseas ambaye kila mara alimshambulia mwajiri wake ili kumuweka tayari kwa jambo lolote.

Pia alikuwa nyota wa kipindi cha BBC sitcom Last of the Summer Wine kutoka 2002 hadi 2010.

Akiwa mzaliwa wa Manchester ,lakini akililewa mjini Shanghai, nyota huyo alituzwa tuzo la OBE mwaka 2011 mjini New York.

Taarifa iliotolewa na ajenti wake ilisema: Mwigizaji Burt Kwuok amefariki.

Image captionPink Panther

Familia yake itakuwa na mkutano wa mazishi yake lakini kutakuwa na hafla ya kumkumbuka siku ya baadaye.

Kwuok pia aliigiza katika filamu za James Bond ikiwemo Goldfinger na You Only live Twice.