KOCHA WA ZAMANI WA YANGA ATUPIWA VIRAGO TOGO

Ama kwa hakika usemi wa “mfupa uliomshinda fisi, Mbwa hauwezi”, Kocha wa zamani wa Dar es salaam Young Africans ambae alikuja kwa mbwembwe nyingi mwisho akashindwa kuendana na kasi ya timu hiyo ametupiwa virago na Timu ya Taifa ya Togo.

 

Thom Santfiet  aliwahi kuifundisha Yanga kabla kutimuliwa na baadae kupata kibarua nchini Togo kukinoa kikosi hicho, nako pia ametimuliwa kwa kile kilichodaiwa kuwa mwenendo wa timu hiyo kutoridhisha hasa katika kuelekea Afcon ambapo kwasasa Togo inashika nafasi ya Tatu katika kundi lake.

Shirikisho la chama cha soka nchini humo limeamua kumuajiri Mfaransa Cloude Leroy kuionoa upya Togo kwa kumsainisha mkataba wa miaka mitatu kuifundisha timu hiyo., kocha huyo mwenye historia nzuri Barani Afrika ambaye ameishi kwa zaidi ya miaka 30, alishawahi kutunukiwa taji la Afcon akiwa na Mwalimu wa kikosi cha Cameroon, pia ameshiriki mashindano hayo kwa miaka 8.