AIM ya Navy Kenzo yaingia online kwa kishindo

Baada ya kuachiwa kwa mfumo wa CD, album ya Navy Kenzo, Above In A Minute (AIM), imeingia online kwa kishindo.

Sasa watu wanaweza kustream album hiyo kupitia iTunes, Spotify, Tidal, Akazoo na Boom Player. Kupitia Boom Player unaweza kustream bure kabisa. Hii ni mara ya kwanza kwa album ya Tanzania kuingia mtandaoni kwa uzito huo.
Tangu itoke, AIM imepokea maoni chanya zaidi na kutajwa kuwa miongoni mwa album bora za Afrika kwa sasa. Kwenye album hiyo wasanii walioshirikishwa ni pamoja na Alikiba, Patoranking, R2Bees, Mr Eazi na Rosa Ree.

Video: Diamond alamba dili jingine nono la mamilioni

Diamond Platnumz ametoka kusaini endorsement deal nyingine inayovujisha udenda mdomoni (mouth-watering deal).

Mambo yote yamefanyika Ijumaa hii kwenye ofisi zake. Wakati Donald Trump akisherehekeaa kuapishwa Rais mpya wa Marekani, Chibu alikuwa makao makuu ya WCB na uongozi wake wakisherehekea kusaini deal hilo.



“Jus Pined out! Another deal today! Thank you God for the #Blessing,” aliandika kwenye video aliyoiweka Instagram.
Bado haijajulikana ni deal na kampuni gani, lakini kwa sherehe hizo, hakuna shaka linaongezeka kwenye orodha ya mikataba yake minono aliyonayo ikiwemo ya Vodacom, DSTV na Coca-Cola.

New Video: Fid Q – Kemosabe

Msanii mkongwe wa muziki wa hip hop kutoka Mwanza, Fid Q ameachia video ya wimbo wake mpya uitwao ‘Kemosabe’. Video imeongozwa na director, Panchito Delmachin .

Jeshi la Polisi lawaonya wananchi wanaofanya manunuzi kwa njia ya mitandao

Jeshi la polisi nchini limewataadharisha wafanyabiashara na wananchi wanaofanya manunuzi au kuuza bidhaa kwa njia za mtandao kuwa makini na matapeli wanaotumia mitandao kufanya uhalifu vikiwemo vitendo vya wizi.

Msemaji wa Jeshi la Polisi, Mratibu Mwandamizi wa Polisi, Advera Bulimba.
Kauli hiyo imetolewa na Msemaji wa Jeshi la Polisi, Mratibu Mwandamizi wa Polisi, Advera Bulimba na kutoa tahadhari hiyo kutokana na kuwepo kwa matukio mengi ya watu kuibiwa fedha zao wakati wa kuuza au kununua bidhaa kwa kutumia mitandao.
“Watu wamekuwa wakifanya biashara kwa njia za mtandao na matokeo yake wanajikuta wanaingia kwenye kutapeliwa kwenye kuibiwa kwasababu tu ametuma pesa kwa mtu ambaye hamfahamu, amefanya biashara na mtu ambaye hamfahamu yani wamewasiliana tu kupitia mtandao,” alisema Bulimba.
“Kwamba mimi nafanya biashara mbili tatu, mimi nauza kitu fulani nitumie pesa kiasi fulani ntakutumia mzigo, tunaomba wananchi wawe makini na hili suala kwasababu tumepokea matokeo mengi ya wananchi kutapeliwa kwa njia ya mtandao”.

Dokii afuata nyayo za Stereo, amchana Darassa kuwa anampenda na yupo tayari kuolewa

Msanii wa filamu, Dokii ameamua kufuata nyayo za Stereo kwa kuamua kumchana rapper Darassa kuwa anampenda.

Muigizaji amedai kwa sasa anamkubali sana Darassa kupitia kazi yake ya muziki, lakini yuko tayari kuolewa naye endapo Darassa mwenyewe atahitaji hilo.
“Nampenda sana Darassa, i love him, nampenda kwa sababu ya kazi yake, lakini sijawahi kumwambia, he is handsome….Darassa mi nampenda kazi yake but is very handsome, so what do you expect?… Mie sina mtu kwa sasa, so kama Darassa akitaka kunioa, niko tayari, am ready coz he is handsome” Dokii alikiambia kipindi cha FNL cha EATV.
Dokii alisema hayo ili kufafanua kuhusu picha ambayo ameonekana akiwa amepiga na Darassa, picha iliyozua mjadala kutokana na kuwa katika pozi lenye utata.
Pia alifafanua kuhusu mahusiano yake na msanii Rich Mavoko, ambapo alisema Rich ni ndugu yake hivyo hawawezi kuwa wapenzi.
Wiki chache zilizopita, rapper Stereo alimchana rapper Chemical kuwa anampenda na yupo tayari kwa lolote.

Fid Q asema yupo tayari kufanya kolabo na Nay wa Mitego

Msanii wa muziki wa hip hop, Fareed Kubanda aka Fid Q amedai yupo tayari kufanya kolabo na rapper Nay wa Mitego kwa kuwa ni mmoja kati ya wasanii wa hip hip ambao wanafanya vizuri.

Alisema hayo baada ya hivi karibuni kupitia kipindi cha Planet Bongo ya EA Radio, Nay wa Mitego amemtaja Fid Q kuwa miongoni mwa rappers anaowakubali zaidi Bongo na kusema kuwa hastahili kufananishwa naye sababu yeye ni rapper mwepesi.
Ijumaa hii akiwa katika kipindi cha Enewz cha EATV, Fid Q amedai yeye anaufuatilia muziki wa Nay wa Mitego huku akidai yupo tayari kufanya naye kolabo.
“Nimeipenda sana ngoma ya Nay wa Mitego ‘Sijiwezi’ hasa ile chorus, na niko tayari kufanya naye kolabo,” alisema rapper huyo.
Rapper huyo ambaye ameachia wimbo ‘Kemosabe’ hivi karibuni, amedai Nay wa Mitego siyo rapper mwepesi kama anavyojiona kwani ni mmoja kati ya marappers wenye uwezo mkubwa.

Mtoto wa Ray, Jaden afuata nyayo za Tiffah na Nillan wa Diamond

Tiffah ni mtoto maarufu zaidi kwenye mtandao wa Instagram Afrika akiwa na followers zaidi ya milioni moja. Mdogo wake, Nillan naye anafuata nyayo zake akiwa na followers zaidi ya 99k sasa. Akaunti zao husimamiwa na mama yao, Zari na hutumia Kimombo.
Na sasa mtoto mwingine wa mastaa wa Bongo, Jaden naye amejiunga kwenye kundi la watoto wa aina hiyo.

Jaden ni mtoto wa Ray Kigosi na Chuchu Hans aliyezaliwa wiki hii na tayari amefunguliwa akaunti kwenye mtandao huo. Yake inasimamiwa na mama yake na kama Tiffah na Nillan, amewafollow wazazi wake tu.

Katika kufurahia zawadi ya mtoto, Ray ameendelea kuweka wazi furaha yake kwa kuandika: Nikikuangalia Mwanangu Jaden Nakuwa Na Furaha Isiyo Kifani Na Kunipa Nguvu Ya Kupambana Na Maisha Ili Uishi Vizuri.. Mtoto ana Raha Yake Jamani asikwambie mtu Nyie Puyangeni Tu.

Download Audio: Navy Kenzo Ft R2bees – Nipendelee

Video | Bill Nass Feat. Mwana FA - Mazoea [Official Music Video]

Mbilia Bel aibuka na album mpya, asema ni ya mwisho

Mwanamuziki wa Congo Mbilia Bel

Shirikisha

Mbali na kusheherekea kuzaliwa kwa kutimiza miaka 57, mwanamuziki huyo Mboyo Moseka, aliyevuma kwa jina la “Mbilia Bel” na kukonga nyoyo za watu wengi ameadhimisha pia miaka 40 ya kuweko kwake katika tasnia ya muziki.
Album yake mpya ya kuwaaga wapenzi wa muziki wake inatarajiwa kutolewa wiki ijayo.
Mwandishi wa idhaa ya Kiswahili VOA Saleh Mwanamilongo amesema kustaafu kwake mwanamke huyu mashuhuri kutoka kwenye tasnia ya muziki, kumekuja mwezi mmoja baada ya kuzuka kwa taarifa kwamba amefariki.

Mbilia Bel

Kwenye kanda ya video ya dakika 5 aliyorikodi, Mbilia Bel amesema kwamba ataendelea kuwa mshauri wa wasichana chipukizi wanawania kuingia katika tasnia ya muziki hivi sasa.
Mwanamuziki Mbilia Bel, alipata sifa kubwa katika miaka ya 70 na thamanini kutokana na sauti yake nyororo.
Lakini hasa baada ya kujiunga na mwanamuziki TabuLey Rochereau. Pamoja na Tabu Ley, supasta huyu alipata umaarufu baada ya kuimba nyimbo nyingi zilitotungwa na Rochereau.
Kwa mfano nyimbo yake ya “Eswi yo wapi” inayomaanisha “kwa nini umekerwa” ikiwa ni wimbo wa fumbo baada ya kuwa na uhusiano wa kimapenzi na Rochereau.
Wimbo mwingine maarufu sana nchini ni “yamba ngaa” unaomaanisha “nipokee mpenzi.”
Mbilia Bel na Tabu Ley walizaa mtoto wa kike, Meledoy Tabu ambaye pia ni mwana muziki hivi sasa.
Baada ya kuvunjika kwa uhusiano wake na Tabu Ley, Mbilia Belaliunda bendi yake mwenyewe na kuimba nyimbo nyingi … kama Manzili Manzili kwa lugha yao ya kinyansi, kutoka jimbo la Bandundu kusini magharibi mwa DRC.
Hivi sasa Mbilia Bel amemaliza kurikodi album mpya ambayo inatarajiwa kutolewa wiki ijayo.
Album hiyo mpya anayoita “Signature” au saini ina nyimbo 21.
Katika ukanda wa Afrika mashariki Mbilia Bel ataendelea kumbukwa hasa kutokana na wimbo unaoitwa Nairobi.

Trump alenga Obamacare

Rais wa Marekani Donald Trump ametia saini amri za serikali mojawapo ikiwa ni agizo linalolenga kuifuta bima ya Afya iliyoanzishwa na mtangulizi wake Barrack Obama maarufu kama Obamacare. Agizo hilo lenye lengo la kuipunguzia serikali mzigo wa kiuchumi, linaziamuru taasisi za kiserikali kukomesha hatua zitakazoendeleza bima hiyo inayofadhiliwa na serikali. Badala yake linataka taasisi hizo kupunguza, kuchelewesha au kufutilia mbali gharama za matibabu ambazo zilishughulikiwa na bima hiyo. Hatua ambayo itaweka gharama hiyo kwa serikali za majimbo na watu binafsi. Bima hiyo huwawezesha mamilioni ya wamarekani wasiojiweza kupata huduma ya afya kwa gharama nafuu. Kuiondoa kabisa bima hiyo kutahitaji mswada kupitishwa katika bunge la Marekani

Vigogo 5 jela miaka mitano

MAHAKAMA ya Hakimu Mkazi Kisutu jijini Dar es Salaam imewakuta na hatia na kuwahukumu kifungo cha miaka 5 jela au kulipa faini ya Sh milioni 100 kila mmoja vigogo watano waliokuwa wakikabiliwa na kesi ya rushwa na utakatishaji wa fedha.
Taarifa iliyotolewa na Taasisi ya Kuzuia na Kupambana na Rushwa (Takukuru), Dar es Salaam jana ilisema kesi hiyo iliyoendeshwa kwa muda mrefu na kufuatiliwa na watu wengi ilifunguliwa Julai 21, mwaka 2010.
Taarifa hiyo ya Takukuru iliyotolewa na Ofisa Uhusiano wake Mussa Misalaba iliwataja washtakiwa waliopatikana na hatia kuwa ni Justice Lumina Katiti aliyekuwa Mhasibu Msaidizi wa Mamlaka ya Mapato (TRA) na Marcus Mussa Masila aliyekuwa Mhasibu wa Kampuni ya Simu Tanzania TTCL.
Wengine ni Kanuti Ferdinand Ndomba mfanyabiashara wa Kampuni ya UEE Tanzania Limited, Gidion Wasonga Otullo mfanyabiashara wa kampuni ya East Africa Procurement Services na Robert Phares Mbetwa mfanyabiashara kutoka kampuni ya Romos Technology Limited.
Kesi hii iliendeshwa na waendesha mashtaka kutoka ofisi ya Mwendesha Mashtaka wa Serikali (DPP) na TAKUKURU ambao ni Awamu Mbagwa (DPP), Shedrack Kimaro (DPP), Estazia Wilson (DPP) na Marx Ally (Takukuru).
Kwa mujibu wa taarifa hiyo ya Takukuru, hukumu hiyo ilitolewa na Mahakama hiyo Januari 17 mwaka huu mbele ya Hakimu Mkuu Mkazi Renatus Rutatinisibwa baada ya Mahakama kuridhika na ushahidi uliotolewa na upande wa mashtaka na hivyo kuwatia hatiani washtakiwa kwa jumla ya makosa 51 ya rushwa na utakatishaji wa fedha haramu.
Washtakiwa walipelekwa Magereza kutumikia kifungo cha miaka 5 baada ya kushindwa kulipwa faini hiyo ya Sh milioni 100.
Ilidaiwa kuwa kati ya mwaka 2007 na 2009 watuhumiwa kwa kushirikiana walikula njama kuchepusha Sh 3,399,251,740.24 za TTCL zilizokusudiwa kulipa kodi TRA na kulipwa kinyume cha sheria kampuni ya UEE. Ilidaiwa mahakamani hapo kuwa mshitakiwa Masila aligushi sahihi za watia sahihi wa TTCL na kubadili fomu za TIS zilizokusudiwa kupeleka fedha TRA na kuweka jina la UEE.
Ilidaiwa kuwa mshitakiwa Katiti alionesha kwenye mfumo wa TRA kuwa TTCL ilikuwa imelipa kodi zote. Ilidaiwa kuwa kati ya mwaka 2008 na 2009 Katiti , Masila, Wasonga na Mbetwa walijipatia mali nyingi na kununua magari ya kifahari na nyumba kutokana na fedha hizo haramu.

Trump aanza kufanyia mabadiliko sheria za Obama

image caption Trump na mkewe wakitembea Washington

Rais wa Marekani Donald Trump ameanza kutia saini maagizo ya rais, baadhi yake yakiwa ni ya kubadili yale yalioafikiwa na mtangulizi wake Barak Obama.

Muda mfupi baada ya kukagua gwaride la kuapishwa kwake, Bw Trump, alitia amri ya serikali, kupunguza mzigo wa kiuchumi kwa taifa, unaotokana na gharama za kufadhili bima ya matibabu ya bei nafuu inayofahamika kama Obamacare, ambayo Trump aliahidi kufanyia marekebisho.

• Mambo muhimu kuhusu utawala wa Trump

• Wasifu wa Trump, rais wa Marekani

Trump pia ametia saini amri ya kuwaidhinisha mawaziri wake wapya wa Ulinzi na usalama wa kitaifa ambao uteuzi wao umepitishwa na bunge la seneti.
Utawala wa Trump pia umeaanza kufanyia marekebisho mtandao wa kijamii wa Ikulu ya White House kwa kuweka masuala yatakayopatiwa kipaumbele na uongozi huo mpya.

Gumzo la Navy Kenzo kwenye picha ya pamoja na Pah One limetolewa ufafanuzi

Kundi la PAH ONE lilivunjika mwaka 2012 na ikafanya Aika na Nahreel waliokuwepo kwenye kundi hilo wakaunda kundi la NavyKenzo ambalo mpaka leo lipo.
Kilichoteka Internet ni picha aliyoipost Aika ikionyesha wakiwa pamoja na wale wa zamani waliokua wanaunda PAH ONE, Nahreel amekaa mbele ya AyoTV na kusema yafuatayo >>> ‘Tumekua tukikutana hapa na pale hata kama watu wanaona tulikua mbalimbali’

‘Kila mtu amekua akisema tumemiss kitu ambacho tulikua tunakiona mwanzo hata sisi wenyewe kwenye mioyo yetu tulikua tunatamani siku ije itokee tena, washkaji walituchek na kusema kwanini tusifanye kitu…….. mimi na Aika tukaaamua kukaa chini ili tufanye kitu, tuko nao kwenye mazingira ya kufanya kazi pamoja kama THE INDUSTRY’ – Nahreel
Tazama hii video hapa chini kuwaona wote wakizungumza Exclusively kwenye AyoTV Entertainment…

VIDEO: Gari lilivyochomwa moto Washington DC. na waandamanaji wanaompinga Donald Trump

Wanasema haijawahi kutokea fujo za namna hii kwenye historia ya Marais wapya Marekani, hii imetokea kwenye mji wa Washington DC. wakati huu ambao Rais Donald Trump ameapishwa kuwa Rais wa 45 wa Marekani.
Waandamanaji wanaompinga waliandamana kwa wingi kwenye mitaa mbalimbali ya mji huo wakiwa na Mabango na wakipaza sauti kuonyesha wazi kwamba hawamtaki na wengine walivunja vioo vya Maduka, Magari na hata kuchoma moto gari moja la kifahari.
Katika kuonyesha kwamba hawaogopi, Waandamanaji hao walivunja mpaka kioo cha gari la Polisi lililopita katikati yao kama inavyoonekana kwenye hii video hapa chini, inasemekana hadi sasa ni zaidi ya Waandamanaji 100 wamekamatwa na Polisi.

Rais Wa Gambia Akubali Kuachia Madaraka

Yahya Jammeh ambaye amekua madarakani na kuingoza Gambia kama Rais kwa miaka 22 hatimae amekubali kuachia madaraka hayo na sasa Adama Barrow aliyetangazwa mshindi kwenye uchaguzi mkuu ndio anatarajiwa kuchukua nafasi.

Kupitia Television ya taifa, Yahya ametangaza kuachia madaraka ambapo AlJAZEERA wameripoti kwamba taarifa kutoka IKULU zilisema baada ya kuachia madaraka alitarajiwa kuondoka kwenye nchi hiyo ndani ya siku 3 ila media nyingine zinasema amepewa saa tu za kuondoka.

TV ya habari Nigeria imesema ECOWAS walimpa hadi saa sita mchana kuondoka lakini mwenyewe akaomba muda huo usogezwe hadi saa kumi jioni na imeripotiwa atakwenda kuishi Guinea.

Barrow aliandika kwenye ukurasa wake wa mtandao wa Twitter na kusema ‘Yahya Jammeh amekubali kuachia madaraka na anatarajiwa kuondoka kwenye nchi ya Gambia leo’

Habari Zilizopo Katika Magazeti ya Leo Jumamosi ya January 21

Wanaosoma Diploma Sasa Kupewa Mikopo na Bodi ya Mikopo (HESLB)

Serikali imewasilisha pendekezo la mabadiliko ya Sheria ya Bodi ya Mikopo ya Elimu ya Juu ili kuwezesha wanafunzi wanaochukua Stashahada katika vipaumbele vya kitaifa, kupewa mikopo ya kuwawezesha kuchukua elimu husika.

Waziri wa Elimu, Sayansi, Teknolojia na Mafunzo ya Ufundi, Profesa Joyce Ndalichako alisema mabadiliko hayo, yamelenga kuwezesha kasi katika uchumi wa viwanda.

Profesa Ndalichako alisema mabadiliko katika Sheria Namba 4 ya Mwaka 2016 ya Bodi ya Mikopo ya Wanafunzi wa Elimu ya Juu (HESLB), yamelenga kutoa nafasi ya kada ya Stashahada inayohitajika ambao wamekuwa hawapati mikopo.

“Kwa lengo la kupata balance (mizania) na kwa kuwa Diploma nayo iko kwenye elimu ya juu, watoto ni wale wale. Kuna wengine nao wanashindwa kumudu gharama na ili serikali ipate uwiano mzuri tumeona ni vizuri kuwe na marekebisho ya sheria,” alieleza Profesa Ndalichako.

Profesa Ndalichako alisema kuna umuhimu mkubwa wa kada ya Stashahada, hasa wanaokwenda sanjari na vipaumbele vya kitaifa kwenye msukumo wa Serikali ya Awamu ya Tano wa ujenzi wa taifa la vijana, kama ilivyo kwa wenye Shahada.

“Kama taifa tunazungumzia uchumi wa viwanda,wadau wote hata wale wa ngazi ya kati ni muhimu katika kuhakikisha kwamba ajenda hii inafanikiwa kama vile ambavyo wale wa digrii wangelifanya,” aliongeza waziri huyo.

Mwaka 2004, kulikuwepo na mabadiliko katika sheria hiyo iliyowezesha wanaochukua masomo ya sayansi, hisabati na elimu ya msingi (kwenye msisitizo wa sayansi na hisabati), kupata mikopo ya elimu, nafasi iliyoanza kutumika mwaka 2014, lakini hatua hiyo ilisimamishwa wakati wa muhula wa masomo wa mwaka 2016/17.

Hata hivyo, HESLB ilikaririwa ikisema kwamba maamuzi ya kusitisha utoaji wa mikopo, ililenga kutekeleza maagizo ya serikali. 

Hata hivyo, jana Profesa Ndalichako alisema kwamba uamuzi wa kusimamisha mikopo hiyo,ulitokana na nia ya serikali kufanya mabadiliko katika sheria hiyo ili kuipa wigo mpana zaidi kuliko kujikita katika eneo la sayansi pekee.

“Mwaka 2004 tuliingiza diploma, lakini kwa masomo ya sayansi pekee sasa, tunataka kuwa na kipengele kinachopanua wigo ili tuweze kuhusisha kozi nyingine za diploma ambazo zinaenda sanjari na vipaumbele vya kitaifa,” alifafanua waziri huyo.

Kwa mwaka wa masomo 2016/17, serikali ilipanga bajeti ya Sh bilioni 483 ambazo zitakopeshwa kwa wanafunzi wa mwaka wa kwanza na wale wanaoendelea. Katika mwaka huo, wanafunzi wa mwaka wa kwanza waliopata mikopo walikuwa ni 25,715.

Habari Zilizopo Katika Magazeti ya Leo Ijumaa ya January 20